Il-bżonn tal-QREMP f’Malta
Il-kuntest lingwistiku f’Malta huwa wieħed ta’ bilingwiżmu li jinvolvi l-Malti u l-Ingliż. Madankollu, bħalissa Malta qed tesperjenza żieda fl-għarfien tad-differenzi lingwistiċi u kulturali prinċipalment minħabba aktar mobilità fuq xogħol jew għal vaganzi. Barra minn hekk il-fenomenu tal-imigrazzjoni klandestina kabbar il-kuntatt bejn il-popolazzjoni lokali u dik barranija, b’tali mod illi f’dawn l-aħħar snin fl-iskejjel qed tiżdied id-diversità lingwistika u kulturali.
Il-Qafas ta' Referenza għall-Metodoloġiji Plurilingwi (QREMP) huwa biċċa għodda essenzjali sabiex jinħolqu programmi li jinvolvu metodoloġiji plurilingwi u interkulturali u sabiex jiġi mfassal kurrikulum li huwa lingwistikament integrat fl-iskejjel Maltin, b’mod speċjali fil-primarja. Esperti fit-tagħlim tal-lingwi f’Malta li jixtiequ jinvolvu ruħhom fl-edukazzjoni plurilingwi u interkulturali ser isibu ħafna benefiċċji fil-QREMP. Din il-biċċa għodda ta’ importanza kbira għandha l-għan li tgħaqqad dawk l-elementi komuni li hemm bejn il-lingwi li l-istudent diġà jaf jew li qiegħed jitħarreġ fihom u tikkumplimenta għodda oħra bħall-Qafas Ewropew ta' Referenza Komuni għall-Ilsna u l-Portafoll Ewropew tal-Lingwi.